ဆေးတောင့်တစ်တောင့်တွင် ပါဝင်သောဆေးပစ္စည်းများ
မွန်ဂိုပဲပင်အမြစ်အဆီအနှစ် ……….. ၁ဝဝ မီလီဂရမ်
ခိုင်တိုစန်အမှုန့် ………………….. ၅ဝ မီလီဂရမ်

ရရှိနိုင်သော အကျိုးကျေးဇူးများ
● ကိုယ်ခန္ဓာကြံ့ခိုင်စေပြီး ကျန်းမာနုပျိုလှပစေသည်။
● အသက်အရွယ်ကြီး၍ ဖြစ်ပွားသော ခန္ဓာကိုယ်တွင်း ပျက်စီးမှုများကို နှေးကွေးစေသည်။
● ခန္ဓာကိုယ်ခုခံအားစနစ်ကို ကောင်းမွန်စေသည်။
မွန်ဂိုပဲပင်အမြစ်ကို တရုတ်တိုင်းရင်းဆေးတွင် လွန်ခဲ့သောနှစ်ပေါင်း ၂ဝဝဝ ကျော်ကတည်းက ကျန်းမာနုပျိုစေရန် အသုံးပြုခဲ့ ကြသည်။ ထိုဆေးပင်တွင် ပါဝင်သော ဆိုက်ကလို အက်စရာဂျီနော ဒြပ်ပေါင်းသည် triterpenoid saponin အမျိုးအစား ဖြစ်သည်။ ထိုဒြပ်ပေါင်းသည် အိုမင်းခြင်းဖြစ်စဉ်ကို နှေးကွေးစေပြီး အသက်အရွယ်ကြောင့်ဖြစ်သော ရောဂါများနှင့် အရေးအကြောင်းများကို လျော့နည်းစေသည့်အတွက် အရွယ်တင် ကျန်းမာစေရန် အသုံးပြုခဲ့ကြသည်။

(၁) တယ်လိုမဲရေ့စ် လုပ်ဆောင်ချက်ကို တိုးတက်စေခြင်း
လူ့ခန္ဓာကိုယ်၏ဆဲလ်များအတွင်းရှိ ခရိုမိုဆုမ်းများတွင် ပါဝင်နေသည့် တယ်လိုမဲရ်နှင့် တယ်လိုမဲရေ့စ်တို့မှာ ဇရာကိုအန်တုရာ၌အရေးပါကြောင်း ရှာဖွေတွေ့ရှိခဲ့ကြသည်။ တယ်လိုမဲရ်များသည် ခရိုမိုဆုမ်း၏ အစွန်းထိပ်ဖျားတွင် ဦးထုပ်သဖွယ်တည်ရှိပြီး ခရိုမိုဆုမ်းများကို မပျက်စီးစေရန် ကာကွယ်ပေးသည်။ ဆဲလ်ပွားများမှု အကြိမ်ရေများလာသည်နှင့်အမျှတယ်လိုမဲရ်များ ပို၍တိုလာလေဖြစ်သောကြောင့် အသက်ရှည် ကျန်းမာစေရန်အတွက် တယ်လိုမဲရ်များရှည်နေရန်မှာအရေးကြီးသည်။ ယင်းသို့ထိန်းသိမ်းရာတွင် အရေးပါဆုံးမှာ တယ်လိုမဲရေ့စ် အင်ဇိုင်းများဖြစ်သည်။ CAG သည် တယ်လိုမဲရေ့စ်အင်ဇိုင်းများ၏ လုပ်ငန်းဆောင်တာများကို လှုံ့ဆော်ပေးသော တန်ဖိုးကြီးဆေးဖက်ဝင်ဒြပ်ပေါင်းဖြစ်သည်။

(၂) ဓာတ်တိုးခြင်းဖြစ်စဉ်ကို တိုက်ဖျက်ပေးခြင်း
လူသားတို့ အိုမင်းလာရသည့် အကြောင်းအရင်းများတွင် ဓာတ်တိုးခြင်းဖြစ်စဉ်မှာ တစ်ခုအပါအဝင်ဖြစ်သည်။ ဓာတ်တိုးခြင်းကိုမထိန်းချုပ်နိုင်ပါက ကင်ဆာရောဂါ၊ နှလုံးရောဂါနှင့် ဆီးချိုရောဂါစသော နာတာရှည်ရောဂါများဖြစ်ပွားမှုကို ပိုမိုဆိုးရွားစေနိုင်သည်။ CAG သည် ဓာတ်တိုးခြင်းကို ဆန့်ကျင်နိုင်သည့် အကောင်းဆုံးသော အင်တီအောက်ဆီဒင့်တစ်မျိုး ဖြစ်ရုံသာမက အခြားအင်တီအောက်ဆီဒင့်များ၏ အစွမ်းအာနိသင်ကိုပါ တိုးစေသည်။ထို့ကြောင့်အသက်အရွယ်ကြီး၍ဖြစ်သော ခန္ဓာကိုယ်တွင်း ပျက်စီးမှုများကိုလျော့ချပေးပြီး အိုမင်းခြင်းကို နှေးကွေးစေသည်။

(၃) Glycation ဖြစ်စဉ်ကို တားဆီးပေးခြင်း
Glycation product များသည် ဓာတ်တိုးဖြစ်စဉ်ဖြစ်ပြီးနောက်တစ်သျှူးများ အိုမင်းပျက်စီးလာခြင်းနှင့် ဆက်နွယ်သော အချိုဓာတ်စုပုံရာမှ ဖြစ်ပေါ်လာသည့် မကောင်းသော ပစ္စည်းများဖြစ်သည်။ CAG သည် ဆီးချိုလက္ခဏာနှင့် ဆက်နွယ်သော ခန္ဓာကိုယ်တွင်း ပြောင်းလဲပျက်စီးခြင်းကို လျှော့ချပေးနိုင်သည့်အတွက် ကျန်းမာနုပျိုခြင်းကို အထောက်အကူပြုသည်။

(၄) ခရမ်းလွန်ရောင်ခြည်ကြောင့် အိုမင်းရင့်ရော်ခြင်းကို တားဆီးပေးခြင်း
သိပ္ပံနည်းကျလေ့လာချက်များအရ CAG သည် ခရမ်းလွန်ရောင်ခြည်ကြောင့် အရေပြားထိခိုက်ပျက်စီးခြင်းကို ကာကွယ်ပေးခြင်းဖြင့် အိုမင်းရင့်ရော်ခြင်းလက္ခဏာများကို လျော့နည်း စေနိုင်ပါသည်။

သုံးစွဲရန်ဆေးပမာဏ
လူကြီး – ဆေးတောင့်တစ်တောင့်မှ နှစ်တောင့်၊ အစာမရှိချိန် နံနက်ပိုင်းတွင် သောက်ပါ။

ဘေးထွက်ဆိုးကျိုး
သတ်မှတ်ထားသော ဆေးပမာဏအတိုင်း သောက်သုံးပါကကြီးမားသော ဘေးထွက်ဆိုးကျိုး မရှိပါ။

အသုံးမပြုသင့်သောအခြေအနေများ
ကိုယ်ဝန်ဆောင်နှင့် နို့တိုက်မိခင်များ မသောက်သုံးသင့်ပါ။

ထုပ်ပိုးပုံ
ဆေးတစ်ဘူးလျှင် ဆေးတောင့် (၆ဝ) ပါဝင်ပါသည်။