နနွင်းဆေး

Gastric mucosal defense

Curcumin
Curcumin

ဆေးပြားတစ်ပြားတွင် ပါဝင်သောဆေးပစ္စည်း
Curcumin ဒြပ်ပေါင်းပါဝင်သော နနွင်းအဆီအနှစ် …….. ၂၀၀ မီလီဂရမ်

ဆေးဖက်ဝင်အာနိသင်များ
အစာအိမ်နှင့် အူလမ်းကြောင်း လုပ်ဆောင်ချက်များကို ကောင်းမွန်စေခြင်း
နနွင်းတွင် ပါဝင်သော Curcumin ဒြပ်ပေါင်းသည် အစာအိမ် အနာကျက်ခြင်းကို အားပေးပြီး ဗိုက်နာခြင်း၊ ဗိုက်အောင့်ခြင်း ဝေဒနာများကို လျော့နည်းသက်သာစေသည်။ စိတ်ဖိစီးမှုများခြင်း၊ အရက်သောက်ခြင်း၊ အကိုက်အခဲပျောက်ဆေး သုံးစွဲခြင်းတို့ကြောင့် အစာအိမ်နာဖြစ်ခြင်းမှလည်း ကာကွယ်ပေးနိုင်သည်။

ရောင်ရမ်းခြင်းကို သက်သာစေခြင်း
နနွင်းတွင် ပါဝင်သော Curcumin ဒြပ်ပေါင်းသည် ရောင်ရမ်းခြင်းဖြစ်စဉ်တွင် ပါဝင်သော COX-2, nuclear factor kappa-B နှင့် arachidonic acid တို့၏ လုပ်ဆောင်ချက်များကို ဟန့်တားပေးခြင်းဖြင့် ရောင်ရမ်းခြင်းကို သက်သာစေသည်။ ထို့အပြင် ခန္ဓာကိုယ်တွင်း၌ ရောင်ရမ်းခြင်းကို လျော့နည်းသက်သာစေသော steroid များ ထွက်ခြင်းကိုလည်း အားပေးသည်။

အသည်း၌ သံဓာတ်များစုပုံလာ၍ အသည်းထိခိုက်ခြင်းကို လျော့နည်းစေခြင်း
သုတေသန ပြုလုပ်ချက်များအရ နနွင်းသည် သံဓာတ်ကြောင့် ဖြစ်ပေါ်လာသော free radicals များနှင့် အမျိုးမျိုးသော ဓာတ်တိုးပျက်စီးမှုများမှ ကာကွယ်နိုင်စွမ်းရှိကြောင်း တွေ့ရသည်။ ထို့အပြင် ခန္ဓာကိုယ်တွင်းရှိ သံဓာတ်များနှင့်လည်း ပူးပေါင်း၍ ပိုလျှံနေသော သံဓာတ်များကို ဖယ်ရှားပေးနိုင်စွမ်းရှိသောကြောင့် ကလာပ်စည်းများအတွင်း သံဓာတ်များ စုပုံလာပြီး အဆိပ်အတောက်ဖြစ်ခြင်းကို လျော့နည်းသက်သာစေသည်။ မျိုးရိုးလိုက်သော သွေးအားနည်းရောဂါရှိသည့် လူနာများတွင်လည်း ဓာတ်တိုးပျက်စီးမှုများကို လျော့နည်းစေသည်။ ပိုလျှံနေသောသံဓာတ်ကို ဖယ်ရှားပေးနိုင်သော ဆေးများ၏ ဘေးထွက်ဆိုးကျိုးများကို လျော့နည်းစေ၍ ဟေမိုကလိုဘင် ပမာဏကိုလည်း များလာစေသည်။

အော်ဇိုင်းမားရောဂါကို ကာကွယ်ပေးခြင်း
Curcumin သည် အော်ဇိုင်းမားရောဂါကိုဖြစ်စေသော beta amyloid fibrils ဖြစ်စဉ်ကို လျှော့ချပေးနိုင်သည်။ ထိုဒြပ်ပေါင်းသည် အရောင်ကျစေခြင်းနှင့် အင်တီအောက်စီဒင့် အာနိသင်ရှိခြင်းတို့ကြောင့် အသက်အရွယ်ကြီးရင့်၍ အာရုံကြောချို့ယွင်းခြင်းဆိုင်ရာရောဂါများ ဖြစ်ပွားမှုကို ကာကွယ်ပေးနိုင်သည်။

သွေးကြောပိတ်ခြင်းကို ကာကွယ်ပေးခြင်း
နနွင်းတွင် ပါဝင်သော Curcumin ဒြပ်ပေါင်းသည် သွေးကြောပိတ်ခြင်းကို ဟန့်တားပေးနိုင်ပြီး သွေးတွင်းရှိ မကောင်းသော အဆီများကိုလည်း လျော့နည်းစေသည်။ သွေးဥမွှားစုခဲခြင်းကို ဟန့်တားပေးနိုင်ပြီး သွေးခဲများကို ပျော်စေသော အာနိသင်လည်း ရှိပါသည်။

သုံးစွဲရန်ဆေးပမာဏ
၁၂ နှစ် နှင့် အထက် – တစ်ခါသောက် ဆေးပြား တစ်ပြား၊ တစ်နေ့ သုံးကြိမ် အစာနှင့် သောက်ပါ။

ဘေးထွက်ဆိုးကျိုးများ
အချို့သောသူများတွင် ဝမ်းချုပ်ခြင်းနှင့် ဆံပင်ကျွတ်ခြင်းတို့ ဖြစ်နိုင်ပါသည်။

သတိပြုရန်
ကိုယ်ဝန်ဆောင်နှင့် နို့တိုက်မိခင်များ၊ သည်းခြေကျောက်ရှိသူများ၊ သွေးအားနည်းသူများ ကျွမ်းကျင်သော သမားတော်နှင့် ပြသပြီးမှ အသုံးပြုပါ။
မည်သို့သော ခွဲစိတ်မှုမျိုးတွင်မဆို မခွဲစိတ်မီ နှစ်ပတ်ကြိုတင်၍ ဆေးသောက်သုံးမှုကို ရပ်တန့်သင့်ပါသည်။

ထုပ်ပိုးပုံ
ဆေးတစ်ဘူးလျှင် ဆေးပြား (၆၀) ပါဝင်ပါသည်။

Copyright© 2024 FAME Pharmaceuticals Industry Co., Ltd. All rights reserved.