ဆေးပြားတစ်ပြားတွင် ပါဝင်သောဆေးပစ္စည်း
နာနတ်ပွင့် အဆီအနှစ် …………. ၂၀၀ မီလီဂရမ်

အပင်အကြောင်း
နာနတ်ပွင့်အပင်သည် တရုတ်ပြည်တောင်ပိုင်း မြန်မာပြည်မြောက်ပိုင်းနှင့် ဗီယက်နမ်နိုင်ငံတို့တွင် ပေါက်ရောက်ပါသည်။ အပင်ငယ်မျိုးဖြစ်ပြီး ထောင့်စွန်းငါးခုမှ ဆယ်ခုအထိ ပါဝင်သော ကြယ်ပွင့်ပုံစံအသီးများ သီးပါသည်။

ဆေးဖက်ဝင်အာနိသင်ဒြပ်ပေါင်းများ
နာနတ်ပွင့်တွင် shikimic acid, essential oil, phenylpro-panoids, sesquiterpenes များ ပါဝင်ပြီး အထူးသဖြင့် antiviral အာနိသင်ရှိသော trans-anethole, eugenol, β−eudesmol, farnesol, β−caryophyllene and β−caryophyllene oxide အစရှိသည့် essential oil များလည်း ပါဝင်ပါသည်။ နာနတ်ပွင့်တွင် ပါဝင်သော သဘာဝဒြပ်ပေါင်း Linalool သည် တုပ်ကွေးရောဂါကိုဖြစ်သည့် ဗိုင်းရပ်စ်ပိုး ပွားများလာမှုကို ဟန့်တားဖျက်ဆီးနိုင်စွမ်းရှိသည်။ ထို့အပြင် နာနတ်ပွင့်ရှိ essential oils များသည် ကိုယ်ခံစွမ်းအားကို တိုးမြှင့်ပေးနိုင်ပြီး antioxidant အာနိသင်လည်း ရှိပါသည်။

ရရှိနိုင်သောအကျိုးကျေးဇူးများ
◆ အအေးမိတုပ်ကွေးရောဂါ ကုသရာတွင် တွဲဖက်အသုံးပြုနိုင်ရန်
◆ ခန္ဓာကိုယ်၏ ခုခံအားစနစ်ကို မြှင့်တင်ပေးရန်

သုံးစွဲရန်ဆေးပမာဏ
၂ နှစ် မှ ၁၂ နှစ် အထိ – တစ်ခါသောက် တစ်ခြမ်း၊ တစ်နေ့ နှစ်ကြိမ် အနည်းဆုံး (၅) ရက် ဆက်သောက်ပါ။
၁၂ နှစ် နှင့် အထက် – တစ်ခါသောက် တစ်ပြား၊ တစ်နေ့ နှစ်ကြိမ် အနည်းဆုံး (၅) ရက် ဆက်သောက်ပါ။

ဘေးထွက်ဆိုးကျိုးများ
အချို့သောသူများတွင် ကိုယ်ခန္ဓာအနည်းငယ် ယားယံခြင်းနှင့် ဝမ်းဗိုက်မအီမသာ ဖြစ်နိုင်ပါသည်။

အသုံးမပြုသင့်သောအခြေအနေများ
ကိုယ်ဝန်ဆောင်၊ နို့တိုက်မိခင်နှင့် ၂ နှစ်အောက် ကလေးများ မသောက်ရပါ။

ထုပ်ပိုးပုံ
ဆေးတစ်ကတ်လျှင် ဆေးပြား (၁၀) ပြား၊ ဆေးတစ်ဘူးလျှင် တစ်ကတ်ပါဝင်ပါသည်။