ရေညှိစိမ်းသည် အလွန်သန့်ရှင်းစင်ကြယ်သော ရေထဲ၌သာ ပေါက်ရောက်နိုင်သည့် အပင်တစ်မျိုး ဖြစ်ပါသည်။ အရွယ်အစားအားဖြင့် အလွန်သေးငယ်သော်လည်း အာဟာရဓာတ်များစွာ ပါဝင်ပါသည်။

ဆေးတောင့်တစ်တောင့်တွင် ပါဝင်သောဆေးပစ္စည်း
ရေညှိစိမ်း ………… ၅၀၀ မီလီဂရမ်

ဆေးဖက်ဝင်အာနိသင်များ
၁။ အဆိပ်အတောက်များကို ဖယ်ရှားပေးခြင်း ရေညှိစိမ်းသည် ကမ္ဘာပေါ်ရှိ အပင်များထဲတွင် ကလိုရိုဖီးလ် အကြွယ်ဝဆုံးသော အပင်ဖြစ်သည်။ ၎င်းင်းတွင်ပါဝင်သော ကလိုရိုဖီးလ်နှင့် ကယ်ရိုတီနွိုက်တို့သည် နေ့စဉ်စားသုံးလိုက်သော အစားအစာများတွင် ပါဝင်သည့် ကာဗွန်အဆိပ်များ၊ သတ္တုအဆိပ်ဓာတ်များနှင့် နေ့စဉ်ရှူသွင်းလိုက်သော လေတွင်ပါဝင်သည့် မီးခိုးများစသော အဆိပ်အတောက်များကို ခန္ဓာကိုယ်တွင်းသို့ မဝင်ရောက်စေရန် တားဆီးကာ ဆီးနှင့် မစင်မှတစ်ဆင့် စွန့်ထုတ်နိုင်စွမ်းရှိပါသည်။ ထို့အပြင် ဓာတ်မတည့်ခြင်းကြောင့် ဖြစ်သည့် allergy များကို လျင်မြန်စွာ သက်သာစေကြောင်း တွေ့ရှိကြပါသည်။

၂။ သွေးအားကောင်းစေခြင်း
ဟင်းသီးဟင်းရွက်စိမ်းများကို စားလျှင် (ဥပမာ-ကန်စွန်းရွက်) သွေးအားကောင်းသည်ကို လူတိုင်းသိကြပါသည်။ ယင်းမှာ ဟင်းရွက်စိမ်းတွင်ပါဝင်သည့် ကလိုရိုဖီးလ်ခေါ် အစိမ်းရောင်ခြယ်များကြောင့် ဖြစ်ပါသည်။ အဆိုပါ ကလိုရိုဖီးလ်ကိုစားသုံးလျှင် ခန္ဓာကိုယ်တွင်းသို့ ရောက်သောအခါ သွေးနီဥတွင်ပါဝင်သည့် ဟေမိုဂလိုဗင်ခေါ် အနီရောင်ခြယ်အဖြစ်သို့ ပြောင်းသွားကာ သွေးအားကောင်းလာခြင်း ဖြစ်ပါသည်။

၃။ ခန္ဓာကိုယ်ကြီးထွားဖွံ့ဖြိုးစေခြင်း
Chlorella Growth Factor (CGF) သည် ကလာပ်စည်းများ တိုးပွားများပြားစေခြင်းဖြင့် ခန္ဓာကိုယ် ဖွံ့ဖြိုးကြီးထွားစေရန် အဓိကကျပါသည်။ (CGF) သည် ကလာပ်စည်းများပျက်စီးမှုနှင့် ထိခိုက်မှုကို ကာကွယ်ပေးပါသည်။ ထို့ကြောင့် အရွယ်အိုမင်းရင့်ရော်ခြင်းနှင့် မြစ်ပွားနာရောဂါများ ဖြစ်ပွားခြင်းကို ဟန့်တားနိုင်ကြောင်း သိရှိရပါသည်။

ရရှိနိုင်သောအကျိုးကျေးဇူးများ
◆ ခန္ဓာကိုယ်တွင်းရှိ အဆိပ်အတောက်များ ဖယ်ရှားရန်
◆ သွေးအားနည်းရောဂါ ကုသရန်
◆ ကလေးငယ်များခန္ဓာကိုယ် ကြီးထွားဖွံ့ဖြိုးစေရန်

သုံးစွဲရန်ဆေးပမာဏ
၂ နှစ် နှင့် အထက် – တစ်ခါသောက် ဆေးတစ်တောင့်၊ တစ်နေ့ နှစ်ကြိမ် အစာစားပြီး သောက်ပါ။

ဘေးထွက်ဆိုးကျိုးများ
အချို့သောသူများတွင် ပျို့အန်ခြင်းနှင့် လေပွခြင်း ဖြစ်နိုင်ပါသည်။ ဤဆေးကို နေ့စဉ်မှန်မှန် သောက်သုံးပါက ပါဝင်သော ကလိုရိုဖီးလ်များကြောင့် ဝမ်းသွားလျှင် အနည်းငယ် စိမ်းနိုင်ပါသည်။ သို့သော် စိုးရိမ်စရာ မလိုပါ။

ထုပ်ပိုးပုံ
ဆေးတစ်ဘူးလျှင် ဆေးတောင့် (၆၀) ပါဝင်ပါသည်။