ဆေးတောင့်တစ်တောင့်တွင် ပါဝင်သောဆေးပစ္စည်း
Proanthocyanidin ပါဝင်သော
ဘလူးဘယ်ရီ အဆီအနှစ် …… ၁ဝဝ မီလီဂရမ်

ရရှိနိုင်သောအကျိုးကျေးဇူးများ
ရောင်ရမ်းခြင်းနှင့် နာကျင်ခြင်းကို သက်သာစေခြင်း
ဘလူးဘယ်ရီတွင် ပါဝင်သော ဒြပ်ပေါင်းများသည် 8-isoprostanes မော်လီကျုးကို လျှော့ချပေးနိုင်သဖြင့် ရောင်ရမ်းခြင်းဖြစ်စဉ်တွင် ပါဝင်သော ပရိုတင်း MCP-1 ကို နည်းစေသောကြောင့် ရောင်ရမ်းနာကျင်ခြင်းကို သက်သာစေသည်။ ရောင်ရမ်းခြင်း မဖြစ်ပေါ်မီအခြေအနေတွင် ထိန်းချုပ်ပေးနိုင်သော NF-kB ဖြစ်စဉ်တွင် DNA ဗီဇအသွင်ပြောင်းခြင်းကိုလည်း လျှော့ချပေးသည်။ ထို့ပြင်ကင်ဆာရောဂါနှင့် ဆက်နွယ်နေသော ရောင်ရမ်းခြင်းများကိုဖြစ်စေသည့် ပရိုတင်းများကို လျှော့ချပေးခြင်းဖြင့်လည်း ကင်ဆာဆဲလ်ပွားများမှုကို ဟန့်တားပေးနိုင်သည်။

နှလုံးကျန်းမာရေးကို အထောက်အကူပြုခြင်း
ဘလူးဘယ်ရီတွင် ပါဝင်သော polyphenol ဒြပ်ပေါင်းများသည် သွေးလွှတ်ကြောတွင်း ဖိအားကျစေခြင်း၊ သွေးတွင်းအဆီဓာတ် လွန်ကဲခြင်းကြောင့်ဖြစ်သော သွေးကြောကျဉ်းခြင်းကို လျှော့ချပေးနိုင်ခြင်း၊ သွေးလွှတ်ကြောနံရံမာခြင်းနှင့် သွေးလွှတ်ကြောအတွင်းသွေးခဲခြင်းကို လျော့နည်းသက်သာစေခြင်းစသော အာနိသင်များရှိခြင်းကြောင့် နှလုံးကျန်းမာရေးကို များစွာ အထောက်အကူပြုပါသည်။

ဦးနှောက်နှင့် မှတ်ဉာဏ်စွမ်းရည်ကို ကောင်းမွန်စေခြင်း
ဘလူးဘယ်ရီတွင် ပါဝင်သော polyphenol ဒြပ်ပေါင်းများသည် amyloid fibril ဖြစ်စဉ်ကို လျှော့ချပေးနိုင်သဖြင့် အသက်အရွယ်ကြီး၍ အာရုံကြောချို့ယွင်းလာခြင်းကို လျော့နည်းသက်သာစေနိုင်ပါသည်။ ထို့ပြင် အစွမ်းထက် flavonoid ဒြပ်ပေါင်းများလည်း ပါဝင်သဖြင့် အသက်အရွယ်ကြီး၍ မှတ်ဉာဏ်ကျဆင်းခြင်းကို နှေးကွေးပြီး ဦးနှောက်နှင့် အာရုံကြောလုပ်ငန်းများကို ပိုမိုကောင်းမွန်စေသည်။

သုံးစွဲရန်ဆေးပမာဏ
၁၂ နှစ်အောက် – တစ်နေ့လျှင် ဆေးတစ်တောင့် အစာစားပြီး သောက်ပါ။
၁၂ နှစ် နှင့် အထက် – တစ်ခါသောက် ဆေးတစ်တောင့်မှ နှစ်တောင့်၊ တစ်နေ့နှစ်ကြိမ် အစာစားပြီးသောက်ပါ။

သတိပြုရန်
ကိုယ်ဝန်ဆောင်နှင့် နို့တိုက်မိခင်များ ကျွမ်းကျင်သော သမားတော်နှင့်ပြပြီးမှ အသုံးပြုပါ။

ဘေးထွက်ဆိုးကျိုး
သတ်မှတ်ထားသော ပမာဏအတိုင်းသောက်သုံးပါက ကြီးမားသော ဘေးထွက်ဆိုးကျိုးမရှိပါ။

ထုပ်ပိုးပုံ
ဆေးတစ်ဘူးလျှင် ဆေးတောင့် (၆ဝ) ပါဝင်ပါသည်။