ဤစာအုပ်တွင် ခွေးလှေးယားပင်အကြောင်း အထူးသဖြင့် ခွေးလှေးယားစေ့အကြောင်းကို နိုင်ငံတကာသုတေသနစာတမ်းများအား မှီငြမ်းကိုးကား၍ အများနားလည်စေရန် ရေးသားဖော်ပြပေးထားပါသည်။
ခွေးလှေးယားစေ့တွင် ပါဝင်သည့် အာဟာရဓာတ်များနှင့် ဆေးဖက်ဝင် ဓာတ်ပစ္စည်းများကို အသေးစိတ်ဖော်ပြထားပြီး ယင်းတို့၏ ဆေးဖက်ဝင်အာနိသင်များနှင့် သတိပြုရန်တို့ကိုပါ ဖတ်ရှုကြရပါလိမ့်မည်။ ပါကင်ဆန်ရောဂါ ကာကွယ်ကုသရာ၌ လွန်စွာ အစွမ်းထက်သည့် ဆေးဖက်ဝင် အပင်တစ်ပင် ဖြစ်ပါသည်။
မိမိ၏အိမ်နောက်ဖေးတွင် ဝါးစင်များထိုးကာ အလွယ်တကူ စိုက်ပျိုးနိုင်သော အပင်ဖြစ်၍ ကျေးလက်နေပြည်သူများအတွက် လွန်စွာအသုံးဝင်မည့် သဘာဝဆေးစွမ်းကောင်းတစ်ခုဖြစ်သည်။ အထူးသဖြင့် အသက်ကြီးသူများတွင် အဖြစ်များသည့် ပါကင်ဆန်ရောဂါ ကာကွယ် ကုသရေး၌ များစွာအထောက်အကူပြုကြောင်း ဖတ်ရှုကြရပါလိမ့်မည်။