ဆေးတောင့်တစ်တောင့်တွင် ပါဝင်သောဆေးပစ္စည်း
အော်ဂဲနစ်အယ်လ်ဖာဖာရွက်အမှုန့် ………….. ၃၀၀ မီလီဂရမ်

ပါဝင်သောအာဟာရဓာတ်များ
Alfalfa အရွက်သည် ကမ္ဘာပေါ်တွင် အာဟာရဓာတ် အပြည့်ဝဆုံးသော အရွက်တစ်မျိုးဖြစ်သည်။ အသားဓာတ် (မရှိမဖြစ် အမိုင်နိုအက်ဆစ် ၈ မျိုး)၊ ဗီတာမင်၊ သတ္တုဓာတ်နှင့် အပင်မှရသော အာဟာရဓာတ်များ စုံလင်စွာ ပါဝင်ပါသည်။

ရရှိနိုင်သောအကျိုးကျေးဇူးများ
◆ အာဟာရဓာတ် ပြည့်ဝစေရန်
◆ ခန္ဓာကိုယ်တွင်း အဆိပ်အတောက်များ ဖယ်ရှားရန်
◆ ကိုယ်ခန္ဓာအနံ့ဆိုးများ သန့်စင်ပေးခြင်း
◆ အူလမ်းကြောင်းဆိုင်ရာ လုပ်ငန်းများကို ကောင်းမွန်စေခြင်း

Alfalfa တွင် ကလိုရိုဖီးလ်နှင့် ကယ်ရိုတီနွိုက်ဓာတ်များ ကြွယ်၀စွာပါဝင်သဖြင့် နေ့စဉ်စားသုံးလိုက်သော အစားအစာတွင် ပါဝင်သည့် ကာဗွန်အဆိပ်များ၊ သတ္တုအဆိပ်ဓာတ်များ အပါအဝင် အဆိပ်အတောက် များစွာကို ဖမ်းယူပြီး ခန္ဓာကိုယ်တွင်းသို့ မဝင်ရောက်စေရန် တားဆီးကာ မစင်နှင့်အတူ စွန့်ထုတ်ပေးလေ့ရှိသည်။

ထို့အပြင် ခန္ဓာကိုယ်တွင်းရှိ အဆိပ်အတောက်ဟူသမျှကိုလည်း ဖမ်းယူကာ ဆီးမှတစ်ဆင့် စွန့်ထုတ်နိုင်စွမ်းလည်းရှိသည်။ အသည်းနှင့် သည်းခြေလုပ်ငန်းစဉ်များကို ကောင်းမွန်စေပြီး အစာအိမ်နှင့် အူလမ်းကြောင်းတစ်လျှောက် အဆိပ်အတောက် ဖြစ်စေခြင်းကို လျှော့ချပေးသဖြင့် သွေးကိုသန့်စင်စေ၍ အသားအရေကို ကြည်လင်လှပစေသည်။ အဆိပ်အတောက်များကို ဖယ်ရှားပေးနိုင်သည့်အတွက် ရိုးတွင်းချဉ်ဆီ ကျန်းမာသန်စွမ်းစေရန် များစွာ အထောက်အကူပေးပါသည်။ ခုခံစွမ်းအားစနစ်ကိုလည်း ကောင်းမွန်စေသကဲ့သို့ ခန္ဓာကိုယ်တွင်းရှိ ဟိုမုန်းဖြစ်စဉ်များကို ညီညွတ်မျှတအောင် ဆောင်ရွက်ပေးသည်။ ထို့အပြင် ပါဝင်သော Isoflavonoids (phytoestrogen) များကြောင့် သွေးဆုံးကိုင်ခြင်း ဝေဒနာများကိုလည်း သက်သာစေပါသည်။

သုံးစွဲရန်ဆေးပမာဏ
တစ်ခါသောက် ဆေးတောင့် တစ်တောင့်၊ တစ်နေ့ နှစ်ကြိမ် အစာစားပြီး သောက်ပါ။

ဘေးထွက်ဆိုးကျိုးများ
အစာမကြေဖြစ်ခြင်း၊ လေပွခြင်း။

အသုံးမပြုသင့်သော အခြေအနေ
ခုခံအားစနစ် ချို့ယွင်းမှုကြောင့်ဖြစ်သော ရောဂါရှိသူများ မသောက်သင့်ပါ။

အခြားဆေးဝါးများနှင့် ဓာတ်ပြုမှု
သွေးကျဲဆေး (Anti-coagulant therapy) ဖြင့် ကုသမှုခံယူနေရသူများ မသောက်သင့်ပါ။

ထုပ်ပိုးပုံ
ဆေးတစ်ဘူးလျှင် ဆေးတောင့် (၆၀) ပါဝင်ပါသည်။