ဆေးပြားတစ်ပြားတွင် ပါဝင်သောဆေးအဆီအနှစ်များ
အကြောပေါင်းတစ်ထောင် …….. ၆၀ မီလီဂရမ်
ဒန့်သလွန် ………………………………. ၆၀ မီလီဂရမ်
အလိုကျူ ………………………………. ၄၀ မီလီဂရမ်
ထောက်ကြံ့အခေါက် …………….. ၂၀ မီလီဂရမ်
ကြက်သွန်ဖြူ ………………………….၂၀ မီလီဂရမ်

ဆေးဖက်ဝင်အာနိသင်များ
အကြောပေါင်းတစ်ထောင် အရွက်များတွင် glucoside, saponins နှင့် အခါးဒြပ်ပေါင်းများ ပါဝင်သည်။ အဆိုပါဒြပ်ပေါင်း
များသည် သွေးဖိအားကို လျော့ကျစေကြောင်းတွေ့ရှိရသည်။

ဒန့်သလွန် အပင်တွင် alkaloid, niazinin, niazimicin, niaziminin နှင့် အစေး ပါဝင်သည်။ လေ့လာစမ်းသပ်ချက်များ
အရ နှလုံးခုန်နှုန်းကို ပုံမှန်ဖြစ်စေပြီး သွေးပေါင်ကျစေသော အာနိသင်ရှိကြောင်း သိရှိရသည်။

အလိုကျူ အမြစ်သည် ဆီးကောင်းစေတတ်သဖြင့် သွေးပေါင်ချိန်ကျရန် အစွမ်းအာနိသင်ရှိပါသည်။

ထောက်ကြံ့အခေါက် သည် သွေးတွင်းကိုလက်စထရောဓာတ်ကို ကျဆင်းစေခြင်းဖြင့် သွေးတိုးကို ထိန်းညှိပေးနိုင်ပြီး၊ နောက်ဆက်တွဲ
ဝေဒနာဖြစ်သော နှလုံးရောဂါဖြစ်ပွားမှုကို ကာကွယ်ပေးပါသည်။

ကြက်သွန်ဖြူ တွင် 0.1-0.36% volatile oil composed of diallyl disulfide and diallyl trisulfide, and minerals such as calcium, iron and potassium ပါဝင်ပါသည်။ သွေးတွင်းကိုလက်စထရောဓာတ်ကို ချခြင်းဖြင့် သွေးတိုးရောဂါကို ထိန်းညှိပေးနိုင်သည့် အစွမ်းအာနိသင်ရှိပြီး လေဖြတ်ခြင်းကို ၃၀% မှ ၄၀% နှင့် နှလုံးရောဂါ ဖြစ်ပွားမှုကို ၂၀% မှ ၅၀% အထိ လျှော့ချပေးနိုင်စွမ်းရှိပါသည်။

သုံးစွဲနိုင်သောရောဂါ
သွေးတိုးရောဂါကုသရာတွင် အသုံးပြုပါသည်။

သုံးစွဲရန်ဆေးပမာဏ
လူကြီး – တစ်ခါသောက် ဆေးတစ်ပြားမှ နှစ်ပြား၊ တစ်နေ့ တစ်ကြိမ်မှ သုံးကြိမ် အစာမစားမီ နာရီဝက်ကြို၍ သောက်ပါ။

ဘေးထွက်ဆိုးကျိုးများ
အချို့သောသူများတွင် ပျို့ခြင်း၊ ဝမ်းချုပ်ခြင်းတို့ ဖြစ်နိုင်ပါသည်။

သတိပြုရန်
၁၂ နှစ်အောက် ကလေးများ၊ ကိုယ်ဝန်ဆောင်နှင့် နို့တိုက်မိခင်များ၊ ကျွမ်းကျင်သော သမားတော်၏ ညွှန်ကြားမှုဖြင့်သာ အသုံးပြုရန်။

ထုပ်ပိုးပုံ
ဆေးတစ်ဘူးလျှင် ဆေးပြား (၆၀) ပါဝင်ပါသည်။