ဆေးတောင့်တစ်တောင့်တွင် ပါဝင်သောဆေးပစ္စည်း
ကမ္ဘာဦးပင်အရွက်အဆီအနှစ် …….. ၆ဝ မီလီဂရမ်

ဆေးဖက်ဝင်အာနိသင်များ

• သွေးလွှတ်ကြောများကိုကျယ်ပြန့်စေခြင်းဖြင့် သွေးလှည့်ပတ်မှုကို ကောင်းမွန်စေပါသည်။
• ဆံခြည်မျှင်သွေးကြောလေးများ၏ နံရံပြန့်စိမ့်မှုကို ပုံမှန်ဖြစ်စေပါသည်။
• သွေးကြောအတွင်း သွေးခဲပိတ်ဆို့မှုကို ကာကွယ်ပေးပါသည်။
• ဦးနှောက်နှင့် အာရုံကြောဆဲလ်များ၏ အောက်စီဂျင်နှင့် ဂလူးကို့စ်သုံးစွဲမှုကို ပိုမိုအားကောင်းစေပါသည်။
• ဦးနှောက်တွင်းရှိ အော်ဇိုင်းမားရောဂါကို ဖြစ်စေသော ဓာတ်ပစ္စည်းများ (ဥပမာ-β−amyloid protein) ကို လျော့နည်းစေပါသည်။

သုံးစွဲနိုင်သောရောဂါများ

၁။  ဦးနှောက်အတွင်း သွေးလှည့်ပတ်မှု မလုံလောက်ခြင်း

• ဦးနှောက်သွေးကြောပိတ်၍ လေဖြတ်ခြင်း
• သတိမေ့တတ်ခြင်း
• နားအတွင်းသွေးလှည့်ပတ်မှုချို့ယွင်း၍ အကြားအာရုံချို့ယွင်းခြင်း၊ မူးဝေခြင်းနှင့် နားအူခြင်း

၂။  အသက်ကြီးသူများတွင် ဖြစ်တတ်သောရောဂါများ

• အော်ဇိုင်းမားရောဂါ
• မျက်စိအမြင်အာရုံချို့ယွင်းခြင်း

၃။  ခန္ဓာကိုယ်အစွန်ပိုင်းရှိ သွေးလှည့်ပတ်မှု မလုံလောက်ခြင်း

• ဆီးချိုသွေးချိုရောဂါကြောင့်ဖြစ်သော သွေးလွှတ်ကြောဆိုင်ရာရောဂါများ

• ခြေဖျားလက်ဖျားသို့ သွေးမလျှောက်သောရောဂါ
• သွေးပြန်ကြောရောင်ရမ်းပြီးနောက် နောက်ဆက်တွဲ ရောဂါများ
• ပန်းသေပန်းညှိုးရောဂါတို့ကို သက်သာစေပါသည်။

သုံးစွဲရန်ဆေးပမာဏ
လူကြီး – တစ်ခါသောက် ဆေးတစ်တောင့်၊ တစ်နေ့နှစ်ကြိမ်အစာမစားမီ သောက်ပါ။ အစာအိမ်ရောဂါရှိသူများ ဗိုက်မအောင့်စေရန် အစာစားပြီးမှ သောက်ပါ။

ဘေးထွက်ဆိုးကျိုးများ
လူနာအနည်းစုတွင်ဆေးသောက်ပြီး ခေါင်းကိုက်ခြင်း၊ ရင်ပြည့်ရင်ကယ်ဖြစ်ခြင်း၊ နှုတ်ခမ်းများ ထူအမ်းအမ်းဖြစ်ခြင်း၊ အရေပြားအပိမ့်ထွက်ခြင်းတို့ ဖြစ်နိုင်ပါသည်။

အခြားဆေးများနှင့် ဓာတ်ပြုမှု
ဤဆေးသည် အနောက်တိုင်းဆေးများဖြစ်သည့် Aspirin နှင့် Dipyridamole ကဲ့သို့ ဆေးများနှင့် တွဲမပေးသင့်ပါ။ သွေးယိုစီးမှုဖြစ်နိုင်သောကြောင့် ဖြစ်ပါသည်။

ထုပ်ပိုးပုံ
ဆေးတစ်ကတ်လျှင် ဆေးတောင့် (၁ဝ) တောင့်၊ ဆေးတစ်ဘူးလျှင်
ဆေးကတ် (၃) ကတ်ပါဝင်ပါသည်။
ဆေးတောင့် (၆ဝ)ဝင် ဆေးဘူးနှင့်လည်း ထုတ်လုပ်ပါသည်။